३०० रोपनी जग्गा उपलब्ध याकाबिइ धकाः धिबा काःगु द्पनय् ८ म्हसित ज्वन

३०० रोपनी जग्गा उपलब्ध याकाबिइ धकाः धिबा काःगु द्पनय् ८ म्हसित ज्वन


असोज २७ - थःपिं सुकुम्वासी समस्या समाधान आयोगया गण्डकी प्रदेश पदाधिकारी जुगु व जग्गा उपलब्ध याकाबिइगु धकाः मखुगु व्यहोरा क्यनाः ठगे याःगु द्पनय् प्रहरीं पोखरां ८ म्हसित ज्वंगु दु।

माछापुच्छ्रे गाउँपालिका–९ सिदिङ छेँय् जुया थुथाय् पोखरा–५ च्वनिम्ह ३९ दँया हीराबहादुर तामाङ, म्याग्दीया रघुगङ्गा–४ छेँय् जुम्ह ३० दँया रमेशकुमार परियार, रुपन्देही सैनामैना–४ छेय् जुया थुथाय् पोखरा च्वनिम्ह ३५ दँया ओमबहादुर सुनार, सिन्धुपाल्चोक छेँय् जुम्ह ३७ दँया रीता विश्वकर्मा व पोखरा–१७ या २२ दँया सोनु परियारयात ज्वगु खः। अथेहे  पोखरा–१३ या ३७ दँया सीता सुनार, अनयाम्ह ५०दँया हर्क बहादुर विक व २४ दँया मौसम सदाशङ्करयात ज्वंगु जिल्ला प्रहरी ज्याकुथिइ सोमबाः पत्रकार सम्मेलन याना जानकारी ब्यूगु खः।

इमिसं असोज २५ गते सनिलय् पोखरा महानगरपालिका–१४ भोटेचौतारा सुकुम्वासी बस्तीइ मनूत मुंका अनया ३०० रोपनी क्षेत्रफल जमिनय् जग्गा उपलब्ध याकाबिइगु धकाः तत्काल अमिन यंका नापजाँच यायेगु धकाः धिबाः कागु सूचंया अाधारय् इमित ज्वंगु जिल्ला प्रहरी ज्याकुया प्रमुख प्रहरी उपरीक्षक जीवनकुमार श्रेष्ठं धयादिल।

इमिके दुगु १ लख ६१ द्वःतकानापं रसिद प्याड, प्याडया अर्धकट्टी, थीथी मनूतयगु नागरिकताया फोटोकपी १९ थान, पासपोर्ट साइजया फोटो, थीथी मितिइ बैठक च्वना यागु निर्णय रजिष्टर १ थान, नगद कागु रजिष्टर १ थान व सुकुम्वासी समस्या समाधान आयोग गण्डकी गठन जुगु पाै १ थान बरामद यागु दु।

इमित मुलुकी अपराधसंहिताकथं ठगी, आपराधिक विश्वासघात व आपराधिक लाभ (एक्सर्टसन) सम्बन्धी कसुरअन्तर्गत मुद्दा दर्ता याना अनुसन्धान प्रक्रिया न्ह्याकागु धकाः प्रहरी नायब उपरीक्षक सुवास हमालं धयादिल।