नेपाः हाकनं विश्वया प्रदूषित शहरया धलखँय् निगूगु ठासय् लात

स्कुल बन्दनिसें यातायातय् जोरविजोर यायेत तयारी

नेपाः हाकनं विश्वया प्रदूषित शहरया धलखँय् निगूगु ठासय् लात


चैत १६ - स्वनिगःनापं देय्या थीथी ठासय् थाैं सोमबाः वायु प्रदूषणया मात्रा छुं छुं पाः जूसाः नं  खतरा धासाः अझं नं दनिइ।

शुक्रबाः, शनिबाः, आइतबाः विश्वया दकलें उच्च प्रदूषित शहरया धलखँय् छसिकथं न्हापां, निगूगु व ११ गूगु ठासय् लाःगु स्वनिगः हाकनं थाैं निगूगु ठासय् वगु दु।

आइक्यूएयर डट कमं सुथसिया ११: ३० य् याःगु अपडेटकथं नेपाः हाकनं विश्वया प्रदूषित शहरया धलखँय् निगूगु ठासय् लाःगु दु । न्हापागु ठासय् दक्षिण कोरियाया बुसान लानाच्वंगु दु।

४ न्हूनिसें स्वनिगःया वायु प्रदूषणया स्तरय् च्वय् क्वय् जूसाः नं खतराया अवस्था मदुग विज्ञतयसं दाबी याःगु दु। वायु प्रदूषणं मिखा हिइस्से च्वनिगु समस्या जूगु दु।

जल तथा मौसम विज्ञान विभागया मौसमविद् मीनकुमार अर्यालया कथं मंगलबाः फय्या गति अप्वसाः प्रदूषण चिलावनेफू।

पहाडी भूभागय् हल्का बदली जूसाः नं तत्काल वाः वइगु सम्भावना मदुगुलिइ छक्कलं प्रदूषण चिलावनिगु अवस्था मदुगु वय्कलं धयादिल।

स्वनिगःया प्रदूषण अवस्था सुधार जुइथें खनेमदुगुलिइ प्रदूषण नियन्त्रणया अस्थायी उपाय मालेत सरोकारवालालिसें सहलहया तयारी जूगु वातावरण विभागं धागु दु।

४ न्हूनिसेंया अवस्था अथेहे जुगुलिइ तत्कालया लागि प्राथमिक तहतकया स्कुल बन्द यायेगु निसें यातायातय् जोरविजोर यायेगु थज्याःगु विषयलय् सहलह जुइ धयातगु दु।

विभागया प्रदूषण मापक यन्त्रं सोमबाः वायू गुणस्तर सूचक छुं छुं सुधार खनेदुसाः नं मिखा हिइस्से च्वनिगु थज्याःगु समस्या दनिइ। सुथसिया ११ ताईया मापनय् येँय्या वायुया गुणस्तर (एक्यूआई) घातक खनेदूगु दु।

चितवनया सौराहाया एक्यूआई २८३, यलया भैँसेपाटीया एक्यूआई २६७, ख्वपया २३९, कीपूया २२५ खनेदूगु दु।