सूर्यविनायकया श्रेष्ठयाके १० लख ठगे याम्ह अमेरिकी नागरिकयात छेत्रपाटीं ज्वन

सूर्यविनायकया श्रेष्ठयाके १० लख ठगे याम्ह अमेरिकी नागरिकयात छेत्रपाटीं ज्वन


साउन २० - अमेरिकाय्  कम्पनी दर्ता यानाबिइ धकाः ख्वपया छम्ह मनूयाके १० लख तका ठगी याम्ह अमेरिकी नागरिकयात प्रहरीं ज्वगु दु।

ठगी यागु अभियोगय् अमेरिकी नागरिक ६५ दँया ड्यानिअल ली म्याक्गीयात येँया छेत्रपाटीं ज्वनागु धकाः प्रहरीं धागु दु।

सूर्यबिनायक-६ या टुक नारायण श्रेष्ठया कोटेश्वरय् तयातगु एटलास सेक्युरिटी कम्पनीयात अमेरिकाय् दर्ता याना पार्टनरनापं दयेकाबिइ धकाः  लोभ क्यना १० लख तका ठगी याम्ह ड्यानिअलयात महानगरीय अपराध महाशाखा मिनभवनं  खटे जुगु प्रहरी टोलीइ ज्वगु खः।

ड्यानिअलं टुक नारायणबाहेक मेपिं निम्हसित नं ठगे यायेत स्वगु धकाः प्रहरीं धागु दु। प्रहरीया कथं बिजनेस भिषाय्  अमेरिका यंकाबिइ धकाः म्हतिं ५ लख तका कायेत कुत यानाच्वगु इलय् क्षेत्रपाटीं ज्वगु खः।