कीर्तिमानी आरोही आङरिता शेर्पा मन्त

कीर्तिमानी आरोही आङरिता शेर्पा मन्त


असोज ५ - अक्सिजन मतसें झिकःतक सगरमाथा आरोहण याना विश्व कीर्तिमान कायम यायेत ताःलाम्ह आङरिता शेर्पा मन्त।

वयक थाैं सुथय् थःगु हे छेँय् येँया जोरपाटीइ मदुगु खः। सोलुखुम्बुया थामेय् जन्म जुयादिम्ह ७२ दँया  ‘हिमचितुवा’ या नामं नं नाजांम्ह वयकया सिम्ह बुधबाः बौद्ध परम्परा कथं यायेत तयारी जुगु दु ।

वयकलं सन् १९८३ निसें सगरमाथा आरोहण शुरु यानादिगु खः। सन् १९९६ य् अक्सिजन मतसें सगरमाथाय् पलाः तयादिम्ह वयकया थ्वहे  अन्तिम आरोहण खः।  सर्वोच्च शिखर सगरमाथा जक मजुसें अक्सिजन  मतसें पाकिस्तानया माउन्ट केटु व नेपाःया चोयु, मनास्लु, ल्होत्से, अन्नपूर्ण, धौलागिरी लगायत दर्जनौँ हिमालया वयकलं थीथी इलय्  आरोहण यानादिगु दु।