‘एन्टिजेन विधि’पाखें कोरोना परीक्षण सुरू

बाघाै दुने रिर्पोट वइगु

‘एन्टिजेन विधि’पाखें  कोरोना परीक्षण सुरू


मंसिर १४ -  सरकारं कोरोना परीक्षण याःगु बाघौदुने हे रिपोर्ट वइगु एन्टिजेन विधिपाखें परीक्षण सुरु याःगु दु।

येँया अनामनगर लगायतया थीथी ठासय् सुरू याःगु थ्व विधीया परीक्षणपाखें तुरून्त लिच्व वइ । संक्रमितया शरीरय् विकास जुइगु एन्टिबडीलिसें पीसीआरं थें जीवाणु दु कि मदु धकाः सिइकेत र्‍यापिड टेस्ट किटमार्फत याइगु परीक्षण ‘एन्टिजेन’ सुरू जुगु खः ।

इपिडिमियोलजी तथा रोग नियन्त्रण महाशाखाया निर्देशक डा.वासुदेव पाण्डेया कथं डब्ल्युएचओया ग्वाहालिइ थ्व विधीपाखें परीक्षण याःगु खः । थुकिया ‘सेन्सिटिभिटी’ बालांगुलिइ थ्व परीक्षण विश्वसनीय जुगु वयकलं धयादिल ।

स्वनिगलय् थनिनिसें न्हिया न्हिथं  ५०० म्हसिगु एन्टिजेन विधिपाखें परीक्षण यायेत्यगु खः । स्वनिगलय् थ्व प्रभावकारी जुसाः मास स्क्रिनिङ नं सुरू याइ । थुकिया प्रयोग सुरक्षाकर्मीया ब्यारेक व स्कूल कलेजय् नं याइगु योजना दु ।

येँय् महागरपालिकाया वडा ल्याः ४, ७ व ९ लय् थनिनिसें एन्टिजेन परीक्षण शुरू जुगु वयकलं धयादिल। महानगरपालिकाया जोखिमयुक्त ठाय्  गौरीघाट, चाबहिल, विशालनगर, धुम्बाराही, बत्तीसपुतली व मित्रपार्कय् एन्टिजेन परीक्षण सुरु याःगु खः।

एन्टिजेन परीक्षण विधि अमेरिका, दक्षिण कोरिया लगायतया देशं अवलम्बन यानावयाच्वगु दु ।