बाइडेनं हिइकल ट्रम्प प्रशासनया नीति, डब्ल्युएचओलय् लिहाँवन अमेरिका

बाइडेनं हिइकल ट्रम्प  प्रशासनया नीति, डब्ल्युएचओलय् लिहाँवन अमेरिका


माघ ८ - ४६ म्हम्ह राष्ट्रपतिया कार्यकाल काये खतं अमेरिकी राष्ट्रपति जो बाइडेनं ट्रम्प प्रशासनया नीतित हिइकादिगु दु।

कार्यकालया न्हापांगु दिं राष्ट्रपति जो बाइडनं कार्यकारी आदेश जारी यासें थःगु प्रशासनया प्राथमिकता प्रस्ट यानादिगु खः।

कार्यभार काःगु छुं घौदुने वयकलं जारी याःगु कार्यकारी आदेशय् डब्ल्युएचओलय् हाकनं लिहाँवनेगुलिसें जलवायु सम्बन्धीया पेरिस सम्झौताय् कायम च्वनेगु व आप्रवासी नीतिइ नरम जुइगु नीति सार्वजनिक यानादिगु खः।

सपथग्रहणलिपा ह्वाइट हाउस प्रवेश याये न्हय् महत्वपूर्ण निर्णय यायेगु संकेत याम्ह वयकलं ट्वीटमार्फत धयादिगु खः, ‘ झिसं सामना यानाच्वनागु सङ्कटलिसें ल्वायेगु झ्वलय् सितिं छ्वयेगु इ झिके मदु।’

वयकलं कोरोनाभाइरस महामारीया सङ्कट सम्बोधनय् सङ्घीय कारबाही तेज यायेगु कार्यकारी आदेशत जारी यानादिगु बीबीसीइ न्ह्यथगु दु ।

वयकया मुख्य आदेश

वयकलं मुख्यतः कोरोना भाइरसया महामारीलिसें ल्वायेगु आदेश जारी यानादिगु दु। गुकिइ ४ लख अमेरिकीत स्यायेधुक्कुगु कोरोनाभाइरस महामारीलिसें ल्वायेगु थीथी उपायत दुथ्याकातगु दु। मुख्य बुँदात थुकथं दु:

– विश्व स्वास्थ्य सङ्गठन (डब्ल्युएचओ) पाखें लिहाँवनेगु अमेरिकी ज्याया अन्त्य यायेगु । भाइरस विज्ञ डा.एन्थोनी फाउचीइ थ्वहे वालय् जुइगु  डब्ल्युचओया अन्तर्राष्ट्रिय कार्यकारी समितिया बैठकय् अमेरिकाया प्रतिनिधित्व यासें ब्वति कयादिगु।

-कोभिडया राष्ट्रिय सम्बोधन यायेगु ज्या केन्द्रीकृत यासें सुरक्षा सामग्री, खोप लिसें परीक्षण सामग्रीया वितरणय् समन्वय अप्वयेकिगु

- फुक्कं सङ्घीय परिसरय् मास्क व दूरीया नियम पालना याइगु

वइगु १०० न्हूतक मास्क तयातयेत मनूतयत इनाप यायेगु याना १०० न्हूया मास्क चुनौती अभियान शुरू याइगु

 जलवायु संकट

वातावरणसम्बन्धी गुलिखें ट्रम्प प्रशासनया नीतित नं बाइडनं हिइकादिगु दु।

– सन् २०१५ य् हस्ताक्षर याःगु पेरिस जलवायु सम्झौताय् अमेरिका हाकनं सामेल जुइगु।

– वातावरणवादी लिसें अमेरिकी आदिवासीतयसं दशकौँनिसें विरोध यानावयाचवगु विवादास्पद किस्टोन एक्सएल पाइपलाइन परियोजना निर्माण रद्द ।  

आप्रवासन

आप्रवासन सम्बन्धी वयकलं जारी याःगु कार्यकारी आदेशं आप्रवासन नीति आः नरम जुइगु संकेत खनेदुगु दु।

– ट्रम्पं लागु याःगु तथाकथित मुस्लिम प्रतिबन्ध अन्तर्गत छुंछुं मुस्लिम बहुल देशपाखें यात्रामाय् तयातःगु प्रतिबन्ध फुकुवा

-मेक्सिकोलिसेंया सिमानाय् पखाः निर्माणज्या बन्द।