कोरोना सङ्क्रमण जुपिन्त म्होतिनं खुलातक सङ्क्रमण लिमथ्वइगु अध्ययनं क्यन

कोरोना सङ्क्रमण जुपिन्त म्होतिनं खुलातक सङ्क्रमण लिमथ्वइगु अध्ययनं क्यन


मंसिर ७ - कोरोना भाइरस सङ्क्रमित जुपिन्त म्होतिं नं ६ लातक सङ्क्रमण लिथ्वइगु सम्भावना मदुगु  छगु अध्ययनं क्यंगु दु।

बेलायतया अक्सफोर्ड युनिभर्सिटीं याःगु अध्ययनकथं कोरोना सङ्क्रमण जुपिन्त म्होतिनं ६ लातक हाकनं सङ्क्रमित जुइगु खतरा मदुगु लुगु खः। अध्ययनय् संलग्न अक्सफोर्ड युनिभर्सिटीया प्रोफेसर डेविड आयरं थ्व सङ्क्रमित जुइधुक्कुंपिं व इमिगु सम्पर्कय् वपिनिगु लागि बालांगु खबर जुगु प्रतिक्रिया बियादिल।

थ्व अध्ययन स्वास्थ्यकर्मीतयके याःगु खः। थुकिइ छकः सङ्क्रमित जुपिं मनूत कोरोना भाइरसपाखें सुरक्षित जुगु लुगु खः। सङ्क्रमित जुइधुक्कुपिं ८९ म्हसिगु जाँच याःबलय् निकःखुसिया रिपोर्ट नेगेटिभ वगु खः।

सङ्क्रमितपिन्के प्रतिरोधात्मक क्षमता निर्माण जुइगु नं अध्ययनं सिइदुगु दु । थ्व अध्ययनपाखें कोरोना भाइरसबारे थप सिइकेगु मौका जुगु अध्ययनय् संलग्नजुपिन्सं धागु अन्तर्राष्ट्रिय सञ्चारमाध्यमं धागु दु। थगुने चीनया वुहानय् खनेदुगु कोरोना भाइरसया कारण विश्वय् ५ करोड ८४ लखं मल्याकं सङ्क्रमित जुइधुक्कुंगु दुसाः उकिइ मध्ये ४ करोडं मल्याक लनेधुक्कुगु दु ।