यलय् १८ दँ च्वय्यापिं फुक्कंसित कोरोना खोप

यलय् १८ दँ च्वय्यापिं फुक्कंसित कोरोना खोप


असोज २०- यलय् थनिनिसें १८ दँ च्वय्यापिं फुक्कं नागरिकयात कोरोना भाइरसविरुद्धया खोप ब्यूगु दु।

जिल्ला स्वास्थ्य ज्याकु यलं क्वःछिनातःगु खोप केन्द्रपाखें १८ दँ च्वय्यापिं फुक्कं नागरिकयात थनिनिसें कोभिडविरुद्धया भेरोसेल खोप ब्यूगु खः।

जिल्ला खोप समन्वय समितिया निर्देशन कथं थाैं बुधबाःनिसें १८ दँ च्वय्यागु उमेर समूहया फुक्कंसित भेरोसेलया न्हापांगु डोज बिइगु स्वास्थ्य ज्याकु यलया प्रमुख डा. खगेश्वर गेलालं धयादिल ।

येँय् धासाः छवाः न्हय् हे १८ दँ च्वय्यापिं नागरिकयात भेरोसेल खोप बिइधुक्कुंगु दु।