हवाइ उडान व ताःहाकगु दुरीया सवारी भदौ १ निसें मचायकेत सिफारिस

कन्हय् सोमबाःया मन्त्रिपरिषद बैठकं थ्व सम्बन्धी निर्णय याइगु

हवाइ उडान व ताःहाकगु दुरीया सवारी भदौ १ निसें मचायकेत सिफारिस


साउन २५ –  वंगु चैत ११ निसें बन्द जुगु ताःहाकगु दुरीया यातायात लिसें आन्तरिक हवाई उडान भदौ १ गतेनिसें चायेकेगु धकाः थ्वया न्हय  सरकारं निर्णय याःगुलिइ आ मचायेकिगु जुगु दु ।

कोभिड—१९ संकट व्यवस्थापन सेन्टर, सीसीएमसीया आइतबाः च्वंगु बैठकं भदौ १ निसें चायेकेगु धासाः थ्व सेवा थप बाछिया लागि स्थगित यायेगु प्रस्ताव याःगु खः।

सिसिएमसीया थ्व प्रस्तावय् आः मन्त्रिपरिषदं निर्णय याइ । मन्त्रिपरिषदया  वंगु साउन ५ गते च्वंगु बैठकं प्यला ताःहाकगु लकडाउन अन्त्य याना अन्तर जिल्ला यातायात, बाह्य लिसें अन्तरिक हवाई उडान, स्कुल  भर्ना लगायतया गतिविधि भदौ १ गतेनिसें चायेकेगु निर्णय याःगु खः ।

लिपांगु छुं दिंनिसें स्वनिगलिसें देयन्यक कोरोना भाइरसया संक्रमणया जोखिम अप्वगु धासें सिसिएमसीइ वइगु भदौ १ गतेनिसें खुला यायेगु धागु फुक्कं भदौ १५ तक मचायेकेगु प्रस्ताव तयार याःगु खः । बैठकं बैंक, संघ संस्थाय् ५० प्रतिशत जक कर्मचारी ज्याय् सतेगु व ५० प्रतिशतयात छेँय् तया ७ वा १५ न्हूइ पाः बिइत प्रस्ताव याःगु दु। थ्वबारे औपचारिक निर्णय कन्हय् सोमबाः च्वनिगु मन्त्रिपरिषदया बैठकं जुइ धयातगु दु। बैठकं स्थानीय तहया समन्वयलय् थप आइसोलेसन व क्वारेन्टिन स्थलत व्यवस्था यायेगु निर्णय यागु दु ।

देयया थीथ् जिल्लाय् संक्रमितया ल्याः अप्वयावंगुलिइ आइसोलेसनया अभाव खनेदुगुलिइ स्थानीय तह व जिल्ला संकट व्यवस्थापन केन्द्रया समन्वयलय् आइसोलेसन व क्वारेन्टिनया थप व्यवस्था यायेगु निर्णय यागु प्रधानमन्त्रीलिसें मन्त्रिपरिषद ज्याकुया सचिव महेन्द्रप्रसाद गुरागाईं धयादिल ।