पूर्ण खोप काःपिं मनूतय्सं कोभिड पुंकेफूः छगू अनुसन्धान

पूर्ण खोप काःपिं मनूतय्सं  कोभिड पुंकेफूः छगू अनुसन्धान


कार्तिक १२ - वैज्ञानिकtतय्सं पूर्ण खोप काःपिं मनूतय्सं मेपिं मनूतय्त नं कोभिड पुंकेफूगु धागु दु। खोप काःपिंन्त नं कोभिड जुइगुलिं इमिसं मेपिन्त अपुक पुंकिगु बेलायतया अनुसन्धानकर्तातय्सं धागु दु।

बेलायतयात इम्पेरियल कलेजया अनुसन्धानकर्तातय्सं याःगु उगु अध्ययनय् महामारी पनेत व कोभिडपाखेंबचे जुइत खोप महत्वपूर्ण खः धासें डेल्टा भाइरस संक्रमणपाखें बचे जुइत व छेँय् दुने पुंकेगुपाखें बचे यायेत खोप थःहे पर्याप्त धासाः मजूगु न्ह्यथनाःतःगु दु।

बेलायतय् सन् २०२० या सेप्टेम्बरनिसें सन् २०२१ या सेप्टेम्बरतक दच्छिन्यकं ६२१ म्ह मनूयाके याःगु अध्ययनं थज्याःगु रिपोर्ट पिकागु खः। द लान्सिट इन्फेक्सियस डिजिज जर्नलय् थुगु अध्ययन पिहाँवगु खः।