कोरोनाविरुद्धया खोप काम्ह न्हापांम्ह नेपाली डा. महेश श्रेष्ठ

कोरोनाविरुद्धया खोप काम्ह न्हापांम्ह नेपाली डा. महेश श्रेष्ठ


असोज ४ - रुसय् च्वनाच्वम्ह छम्ह नेपालीइ कोरोना भाइरस कोभिड १९ बिरुद्धया भ्याक्सिन काःगु दु।

गैरआवासीय नेपाली संघ (एनआरएनए) या न्वकु बद्री केसीइ मस्कोय् कार्यरत ६१ दँया डा .महेश श्रेष्ठं शनिबाः कोराना भाइरसबिरुद्धया भ्याक्सिन कागु जानकारी बियादिल ।

नेपाःया सल्यान छेँय् जुम्ह श्रेष्ठया नां रसियन सरकारपाखें अनलाइनय् लक्की ड्र मार्फत ल्यगु खः। सरकारं न्हापागु  चरणय्  ३० द्वःम्हसित भ्याक्सिन बिइगु घोषणा याःगु खः । डा केसीया कथं श्रेष्ठयात ३० द्वःम्ह मध्येय् ल्यगु खः।

श्रेष्ठयात कोरोना भ्याक्सिन बिइ न्हय् वयकया फुक्कं स्वास्थ्य परीक्षण याःगु खः। न्वकु केसीया कथं थ्व भाक्सिन निशुल्क जुगु व निदँया लागि कोरोना भाइरसपाखें बचे याइ।

न्वकु केसीं कोरोना भाइरसबिरुद्ध न्हापागु भ्याक्सिन कायेदुगुलिइ लसता प्वकुसे श्रेष्ठया स्वास्थ्य अवस्था सामान्य जुगु धयादिल।

थ्वया न्हय्  नेपाःया लागि रसियन राजदूत एलेक्सी नोभिकभं रुसं विकास यागु कोरोना भ्याक्सिन नेपालयात प्राथमिकता तया बिइत तयार दु धयादिगु खः।

वयकलं रसियां विकास याःगु कोरोनाया भ्याक्सिन हलिन्यकं अर्डर वयेधुक्कुगु धासें नेपालं चाहे जुया याकनं उपलब्ध याकेत पहल यायेगु घोषणा यानादिगु खः।