स्वास्थ्यय् समस्या वसेलिइ सत्याग्रहया ७ न्हूया दिं ईयात अस्पताल यंकल

स्वास्थ्यय् समस्या वसेलिइ सत्याग्रहया ७ न्हूया दिं ईयात अस्पताल यंकल


असार १८ -सत्याग्रहया ७ न्हूया दिं  ‘इनअफ इज इनअफ’ अभियानया अभियन्ता इशान अधिकारी ‘ई’ या स्वास्थ्यय् समस्या वसेलिइ उपचारया लागि धुम्बाराहीस्थित ह्याम्स अस्पताल यंकुगु दु। अधिकारी शुक्रबाःनिसें यल लायकुलिइ च्वंगु मणिमण्डप पाटीइ सत्याग्रह सुरु यानादिगु खः।

अधिकारीलिसें मेम्ह सत्याग्रही पुकार बमया नं  स्वास्थ्य अवस्था गम्भीर जुसेलिइ वयकयात न उपचारया लागि ह्याम्सय् यंकुगु खः। ‘ई’ या सत्याग्रहलय् थीथी व्यक्तिपिन्सं ऐक्यवद्धता प्वकुगु दु।

पीसीआर परीक्षणया दायरा अप्वयेकमाःगु, क्वारेन्टिन व्यवस्थित यायेमाःगु, जीवन व मृत्युलिसें स्वागु विषयलय् भ्रष्टाचार दिकेमाःगु, फ्रन्टलाईनय् खटे जुपिं स्वास्थ्यकर्मीया सुरक्षाय् ध्यान बिइमाःगु, सर्वोच्च अदालतया आदेशया कार्यान्वयन यायेमाःगु थज्याःगु  माग तया वयकपिं सत्याग्रह च्वनावयाच्वंनादिगु खः ।