फुक्कं फोनय् छगू हे चार्जर तयेत ईयूया प्रस्ताव

फुक्कं फोनय् छगू हे चार्जर तयेत ईयूया प्रस्ताव


असोज ८ -  युरोपेली संघं (ईयू)) फोन निर्मातातयत छगू हे कथंया चार्जरं ज्या बिइगु फोन निर्माणया लागि निर्देशन बिइगु प्रस्ताव याःगु दु।

उपभोक्तायात पूलांगु चार्जर प्रयोगय् प्रेरित यासें विद्युतीय फोहोर कम यायेगु उद्देश्यं थज्याःगु योजना हःगु खः। अथेखसाः नं आईफोन निर्माता एप्पलं धासाः थ्व कदमं न्हूगु आविष्कारय् नकारात्मक असर यायेफूगु ख्याःचो ब्यूगु दु।

एप्पलं आईफोनया लागि जक प्रयोग जुइगु चार्जर हयाच्वंगु दु। एप्पलं थुथाय् आईफोनतय्गु लागि ‘लाइटनिङ’ कनेक्टरया प्रयोग यानावयाच्वंगु दु। एप्पलं थपिं सन् २०३० तकया दुने फुक्कं डिभाइसत कार्बन न्युट्रल यायेगुपाखें न्ह्यानाच्वनागु धागु दु।

यक्वथें एन्ड्रोइड फोनय् यूएसबी माइक्रो बी चार्जिङ पोर्ट दुसाः छुं छुं फोनय् यूएसबी–सी स्ट्यान्डर्डया चार्जिङ पोर्ट दु। आईप्याड व म्याकबुकया न्हूगु मोडलय् यूएसबी चार्जिङ पोर्ट दु। आःयाःगु प्रस्तावकथं फुक्कं डिभाइसया चार्जर यूएसबी-सी वा यूएसबी-ए जुइमाः।

ईयूया बच्छिथें फोनय् यूएसबी माइक्रो बी कनेक्टर दु । करिब २९ प्रतिशतय् यूएसबी सी व २१ प्रतिशतय् लाइटनिङ कनेक्टर दु।

आःयाःगु प्रस्ताव स्मार्टफोन, ट्याबलेट, क्यामेरा, हेडफोन, स्पिकर व भिडियो गेम्सय् नं लागू जुइ । इयरबड, स्मार्ट वाच व फिटनेस ट्र्याकया साइज व प्रयोगया शर्तबारे धासाफ छुं नं धयातःगु मदु।

ईयूया आकलनकथं आः दच्छिया दुने प्रयोग मजुइगु चार्जिङ केबलपाखें ११ टन फोहोर पिहाँवयाच्वगु दु। थगुने जक ईयूलय् ४२ करोड मोबाइल फोन व मेमेगु विद्युतीय डिभाइस बिक्री जूगु खः। आः प्रस्ताव यासाः नं पारित जुयाः कार्यान्वयनय् वयेत छुं दँ काइ।