उद्योग वाणिज्य महासंघया वरिष्ठ उपाध्यक्षय् चन्द्र ढकाल निर्वाचित

उद्योग वाणिज्य महासंघया वरिष्ठ उपाध्यक्षय् चन्द्र ढकाल निर्वाचित


मंसिर १४ - नेपाल उद्योग वाणिज्य महासंघया वरिष्ठ उपाध्यक्षय् चन्द्र ढकाल विजयी जुयादिगु दु।

प्यानलनाप चुनावी मैदानय् कुहाँझाम्ह किशोर प्रधानयात पराजित याना ढकाल वरिष्ठ उपाध्यक्षय्  निर्वाचित जुयादिगु खः। महासंघया विधानकथं वरिष्ठ उपाध्यक्ष मेगु कार्यकालया लागि स्वतः अध्यक्ष जुइगु व्यवस्था दु। शेखर गोल्छालिपा महासंघया नेतृत्व ढकालं यानादिगु निश्चित जुगु दु।

आइतबाः सुथय् सार्वजनिक जुगु लिच्व कथं ढकालं एसोसिएटय् ५२२, वस्तुगतय् ५९ व जिल्ला नगरय् ५२ मत कयादिगु दु। अथेहे वयकया निकटतम प्रतिस्पर्धी प्रधानं धासाः एसोसिएटय् ३७५, वस्तुगतय्  ३९ व जिल्ला– नगरय्  ५३ मत कयादिगु दु।

महासंघया चुनावय् वरिष्ठ उपाध्यक्ष, ३ उपाध्यक्षनापं कुल ६३ पदया लागि १२७ म्हसिगु  उम्मेद्वारी लागु खः ।

लिच्वकथं एसोसिएट्सपाखें ढकाल पक्षया रामचन्द्र संघइ निर्वाचित जुयादिगु दु।

वस्तुगतपाखेंया उपाध्यक्षय् प्रधान पक्षया अञ्जन श्रेष्ठ व जिल्ला–नगरपाखें दिनेश श्रेष्ठ विजयी जुयादिगु दु।

अथेहे एसोसिएट्सपाखेंया कार्यसमिति दुजलय् कृष्णलाल महर्जन, वस्तुगतपाखेंया कार्यसमिति दुजलय् मनिष लाल प्रधान, अरनिको राजभण्डारी, सुरकृष्ण वैद्य निर्वाचित जुयादिगु दु।