प्रदेश सरकारया निर्णयविरुद्ध पत्रकार महासङ्घं ज्ञापनपाै बिल

प्रदेश सरकारया निर्णयविरुद्ध पत्रकार महासङ्घं ज्ञापनपाै बिल


असार ६ - बागमती प्रदेश सरकार थःम्ह टेलिभिजन, पत्रपत्रिका, रेडियो सञ्चालन यानाः प्रदेशया १३ जिल्लां पिहाँवइगु व प्रसारण जुइगु सञ्चारमाध्यमयात बन्द याकेगु उद्देश्य तगु धासें नेपाल पत्रकार महासङ्घ ख्वपं विरोध प्वकुगु दु।

प्रमुख जिल्ला अधिकारी प्रेमप्रसाद भट्टराईमार्फत् आइतबाः प्रदेश सरकारयात ज्ञापनपै बिसें महासङ्घं सरकारं नीति व ज्याझ्वः लिसें बजेटय् आम सञ्चारमाध्यम स्थापना यानाः सञ्चालन यायेत १० करोड बजेट विनियोजन याःगु व उकिं आः प्रकाशन व प्रसारण जुयाच्वंगु सञ्चारमाध्यमया बन्द  यायेत स्वगु ठहर याःगु दु।

देयन्यकंया ६६ प्रतिशत सञ्चारमाध्यम व नेपाल पत्रकार महासङ्घया ४८ प्रतिशत दुज वाग्मती प्रदेशय् दुगु उल्लेख यासें महासङ्घ ख्वप कचां आमसञ्चारजगतया संरक्षण, प्रवद्र्धन लिसें क्षमता अभिवृद्धिया लागि पूँजीगत अनुदाननिसें लोककल्याणकारी विज्ञापनया लागि बजेट विनियोजन यायेत माग याःगु दु । महासङ्घं उगु निर्णय लितमकासाः कडा आन्दोलनय् कुहाँवयेगु ख्याचो बिसें सञ्चारमाध्यमया प्रवद्र्धन व सञ्चारकर्मीया हितय् बजेट हयेत माग याःगु दु।

ज्ञापनपाै कासें प्रमुख जिल्ला अधिकारी प्रेमप्रसाद भट्टराई नं महासङ्घया प्रेस व अभिव्यक्ति स्वतन्त्रता, आम सञ्चारमाध्यमया निष्ठाया उच्च सम्मान यासें ज्ञापनपाै सम्बन्धित निकायलय् थ्यकेगु धयादिल।