सोलु एफ.एम.या स्टुडियो मि नल, १ करोडया क्षति

सोलु एफ.एम.या स्टुडियो मि नल, १ करोडया क्षति


फागुन १७ - प्रदेश नम्बर १ या हे न्हापांगु सामुदायिक रेडियो सोलु एफ.एम. १०१.२ मेगाहर्जया स्टुडियो मि नगु दु।

सोलुखुम्बुया सोलुदुधकुण्ड नगरपालिका ६ दोर्पुबजारय् दुगु रेडियोया स्टुडियोलय् म्हिगः बहनी १२ तात्याईलय् मिं नगु दु। स्टुडियोपाखें सुरु जुगु मिंइ रेकर्डिङ स्टुडियोनापं भवन नं नष्ट जुगु रेडियो सञ्चालक समितिया अध्यक्ष बुद्धि नारायण श्रेष्ठं धयादिल। मिं नयाः १ करोड तका बराबरया नोक्सानी जुगु अनुमान दु।

विद्युत सर्ट जुया मिं नगु अनुमान यासाः नं कारण धासाः सिइमदुनिइ। मिं नगरपालिकाया दमकल, सशस्त्र प्रहरी, नेपाल प्रहरी, नेपाली सेना, स्थानियबासिन्दा, रेडियोया कर्मचारी लगायतया ग्वाहालिइ २ घौति लिपा स्यागु खः।

वि.स २०६१ सालय् स्थापना जुगु सोलु एफ एम थुथाय् १००० वाट क्षमताय् प्रसारण जुयाच्वंगु खः।