विश्वय् न्हापांखुसि कोरोना लिथ्वया संक्रमित सित

विश्वय् न्हापांखुसि कोरोना लिथ्वया संक्रमित सित


असोज २९ - कोरोना संक्रमण लिथ्वयाः नेदरल्याण्डया ८९ दँया ज्याथी कोरोना संक्रमण लिथ्वया सिगु दु। कोरोना संक्रमण लिथ्वया सिगु थ्व विश्वया हे न्हापांगु घटना खः। 

न्हापांखुसि सन २०२० या सुरुइ उम्ह मिसायाके कोरोना संक्रमण खनेदुगु अन्तर्राष्ट्रिय सञ्चार माध्यमतयसं धागु दु। अबले वयकयाके ज्वर व मुसु वगु खःसा ५ न्हू अस्पतालय् च्वना संक्रमणमुक्त जुयादिगु खः। 

उकिया निलाति लिपा हाकनं ज्वर व मुसु खनेदुगु व श्वास प्रश्वासय् नं समस्या खनेदसेलिइ हाकनं अस्पताल भर्ना जुया परीक्षण याःबलय् कोभिड संक्रमण खनेदुग खः । संक्रमण लिथ्वगु ३ वाः लिपा वयक सिगु खः। निकःतक कोरोनाया एन्टीबडी परीक्षण याःबलय् धासाः नेगेटिभ रिपोर्ट वगु खः।