पूर्व जुजु ज्ञानेन्द्र शाह त्यपूयात कोरोना पुष्टि

पूर्व जुजु ज्ञानेन्द्र शाह त्यपूयात कोरोना  पुष्टि


बैशाख ७ - पूर्व जुजु ज्ञानेन्द्र शाह व वय्कया जहान कोमल शाहयात कोरोना भाइरस (कोभिड–१९) संक्रमण पुष्टि जूगु दु।

भारतया हरिद्वारय् जूगु कुम्भ मेलाय् गंगा स्नान यानाः आइतबाः स्वदेश लिहाँझापिं वय्कपिन्सं स्वाब परीक्षण याकादिगु खः। उगु परीक्षणय् वय्कपिनिगु रिपोर्ट पोजेटिभ वगु स्वास्थ्य मन्त्रालयया स्रोतं धागु दु।

वयकपिनिगु कन्ट्रयाक्ट ट्रेसिङ सुरु जूगु मन्त्रालय स्रोतं धागु दु।

पूर्व जुजु ज्ञानेन्द्र भारतं  स्वदेश लिहाँझागु त्रिभुवन अन्तर्राष्ट्रिय विमानस्थलय् समर्थकत म्वःम्व जूगु खः।

पूर्वजुजु ज्ञानेन्द्र शाह सहभागी जूगु मेलाय् ब्वति कयादिम्ह भारतया उत्तर प्रदेशया मुख्यमन्त्री योगी आदित्यनाथयात नं कोरोना संक्रमण जूगु खः।