न्यातपोँल देगःया फ्रान्सेली हुलाक टिकट मिइत तयातल

न्यातपोँल देगःया फ्रान्सेली हुलाक टिकट मिइत तयातल


भदाै १९ - नेपाःया ङातापोँल देगःया किपा दूगु फ्रान्सया हुलाक टिकट अनलाइनय् मिइत तयातःगु दु। फ्रान्सं ख्वपया ङातापोँल देगःया किपाः दुगु हुलाक टिकट सन् १९९१ पाखें पिकागु खः।

ख्वपय् जुजु भूपतिन्द्र मल्लं दयेकूगु उगु देगःया किपाः दुगु  हुलाक टिकट फ्रान्सं सन् १९९१ या नोभेम्बर २३ य् प्रयोगय् हःगु  कोल्नेट डटकमं न्ह्यथंगु दु। आः वहे टिकट अमेरिकी ई-कमर्स साइट ईबे डटकम य् मिइत तयातःगु दु। गुकिया भाः १.२७ डलर (आःयागु सटही दरय् १४७ तका) तयातःगु दु । ईबे डटकमय् तयातःगु टिकट बिक्री मजुनिइ धासाः ईबेया बेलायती आउटलेट इबे डटया डट युके य् तयातगःगु धासाः निला न्हय् जुन १९ य् हे मिइधुक्कुगु दु।

फ्रान्स नेपालं दौँत्य सम्बन्ध स्थापना याःगु ४ गूगु देय् खः। नेपाल व फ्रान्सया औपचारिक सम्बन्ध स्थापना जूगु ७२ दँ थ्यगु दु। निगूगु विश्वयुद्धलिपा सन् १९४९ अप्रिल २० य् नेपाल व फ्रान्सदथुइ औपचारिक कूटनीतिक सम्बन्ध स्थापना जूगु खः।

खँय्तला  सन् १८५०-५१ य् जूगु जंगबहादुरया बेलायत व फ्रान्स भ्रमण नं छगू कथंया सम्बन्ध स्थापना हे खः। तर, सन् १९४९ या हे सम्बन्धयात औपचारिक व आधिकारिक कथं कायेगु याः।