यलय् भौतिक रुपय् स्कूल सञ्चालनया जिम्मा स्कूलयात हे बिइगु

यलय् भौतिक रुपय् स्कूल सञ्चालनया जिम्मा स्कूलयात हे बिइगु


भदाै २९ -  यल महानगरपालिकां वइगु असोज १ गतेनिसें भौतिक रुपय् स्कूल सञ्चालन यायेगु जिम्मेवारी स्कूलयात हे बिइगु निर्णय याःगु दु।

स्वास्थ्यसम्बन्धी मापदण्ड पूरा याकेत विद्यालय सञ्चालनसम्बन्धी कार्यढाँचा व कार्ययोजना दयेकेत महानगरपालिकां स्कूलयात धागु दु। स्कूल सञ्चालन याये न्हय् पूर्वतयारी यानाः अनिवार्य रुपय् कार्यढाँचा लिसें स्वास्थ्य मापदण्डया सम्बन्धय् अभिभावक, स्यमि, ब्वमि व मेमेपिं सरोकारवालातय् स्कूलं अभिमुखीकरण याकेगुलिसें स्कूल सञ्चालनया तयारी पूरा जूगु जानकारी महानगरपालिकायात याकेमाःगु जूगु दु।

स्कूलया लागि आवश्यक स्वास्थ्य सुरक्षाया सामग्री (मास्क, सेनिटाइजरनापं) बिइगु धकाः महानगरपालिकां धागु दु।