इटालीइ हाकनं न्हू प्रतिबन्धात्मक व्यवस्थातयगु घोषणा

इटालीइ हाकनं न्हू प्रतिबन्धात्मक व्यवस्थातयगु घोषणा


मंसिर १९ - इटालीइ कोरोना भाइरसया संक्रमण फैलेजुगु धासें हाकनं न्हूगु प्रतिबन्धात्मक व्यवस्थातयगु घोषणा याःगु दु ।

महत्वपूर्ण नखत न्ह्यने वगुलिइ नखः हनेगु झ्वलय् कोरोना भाइरसया महामारी थप फैले जुइफुगु अनुमान यासें हाकनं प्रतिबन्धात्मक व्यवस्थात लागू याःगु खः।

प्रधानमन्त्री गिसेप कोन्टें न्हूदँ थज्याःगु नखचख व विदा हनेगु झ्वलय् महामारी थप फैले जुइके मबिइत न्हूँ प्रतिबन्धात्मक व्यवस्थात घोषणा जुगु जानकारी बियादिल ।

न्हूगु व्यवस्थाकथं मानवीय गतिविधि व आवतजावतयात नगरपालिका व  क्षेत्रय् जक सिमित याइगु जुगु दु । छगू नगर वा क्षेत्रं मेगु नगर वा क्षेत्रय् वनेत प्रतिबन्ध तइगु वयकलं धयादिल ।

न्हूगु प्रतिबन्धात्मक व्यवस्था वइगु डिसेम्बर २१ निसें जनवरी ६ तारिखतक लागू जुइगु वयकलं धयादिल ।