जापानं थःगु देशय् च्वनाच्वपिं फुक्कंसित काेराेनाया खाेप निःशुल्क बिइगु

जापानं थःगु देशय् च्वनाच्वपिं फुक्कंसित काेराेनाया खाेप निःशुल्क बिइगु


मंसिर १७ - जापानं थःगु देशय् च्वनाच्वंपि फुक्कंसित कोरोना भाइरसविरुद्धया खोप निःशुल्क बिइगु जुगु दु।

कोरोना भाइरसया जोखिम दनिगु इलय् जापानया संसदं कानुन हे पारित याना देशय् च्वनाच्वंपि फुक्कंसित निःशुल्क खोप बिइगु व्यवस्था याःगु खः।

न्हूगु कानुनकथं १२ करोड ६० लख मनूतयत कोरोनाविरुद्धया खोप बिइत निगुलिइ सदनपाखें बजेट नं पारित याःगु दु। जापानी सरकारं ६ करोड मनूतयत वासः उत्पादक संस्था फाइजरपाखें खोप हयेत सुनिश्चित यायेधुक्कुगु दुसाः २ करोड ५० लख मनूतयत अमेरिकी बायोटेक फर्म मोडेर्नालिसें सम्झौता याःगु दु।

अथेहे ल्यदनिपिन्त गाक्क एस्ट्राजेनेकाया खोप हयेत तयारी जुगु अधिकारीतयत उदृत यासें अन्तर्राष्ट्रिय समाचार संस्था एएफपीं धागु दु।

तुलनात्मक रूपय् जापानय् कोरोना भाइरसया महामारी कम खनेदुगु दु। जापानय् कोरोनाया कारणं आःतक २१०० म्ह सिगु दुसाः १,५०,००० सङ्क्रमित जुगु दु।