उपेन्द्र यादव पक्षयात निर्वाचन आयोगया आधिकारिकता

उपेन्द्र यादव पक्षयात निर्वाचन आयोगया आधिकारिकता


साउन ११ - जनता समाजवादी पार्टी (जसपा) या अध्यक्ष उपेन्द्र यादव पक्षयात निर्वाचन आयोगं आधिकारिकता ब्यूगु दु। यादव पक्षय् केन्द्रीय कार्यकारिणी समितिया बहुमत दुज दुगुलिं आयोगं यादवयात आधिकारिकता ब्यूगु खः। 

जसपाया निम्ह अध्यक्षत यादव व महन्थ ठाकुर पक्षदथुइ आधिकारिकता सम्बन्धी विवाद जुसेलिं निर्वाचन आयोगं केन्द्रीय कार्यकारिणी समितिया दुजतय्त आयोगय् सताः छँय् ग्वः ल्याःखाःना सनाखत याःगु खः। 

जसपाया ५१ दुजया कार्यकारिणी दुजमध्ये ३४ म्हसियां अध्यक्ष यादवया पक्षय् ल्हाचिं तःगु खः। पार्टीया मेम्ह अध्यक्ष महन्थ ठाकुरया पक्षय्  १६ म्हसियां ल्हाचिं तःगु खः । सनाखतया लागि जेल  सजाय फयाच्वम्ह   जसपाया सांसद रेशम चौधरी निर्वाचन आयोगय् झासाः नं तटस्थ च्वनादिगु खः।