जसपा राजेन्द्र श्रेष्ठया नेतृत्वय् सरकारय् वनिगु

जसपा  राजेन्द्र श्रेष्ठया नेतृत्वय् सरकारय् वनिगु


असोज २२-   जनता समाजवादी पार्टीं (जसपा) शेरबहादुर देउवा नेतृत्वया सरकारय् सहभागी जुइपिं मन्त्रीतय्गु नां क्वःछिउगु दु । जसपाया शीर्ष नेतातय्गु शुक्रबाः च्वंगु बैठकं सरकारय् वनिपिं मन्त्रीतय्गु नां क्वःछिउगु खः। 

निर्णयकथं जसपापाखें सरकारया नेतृत्व राजेन्द्र श्रेष्ठं यानादिइ। अथेहे उगु पार्टीपाखें रेणु यादव, रामसहाय यादव व प्रमोद साह मन्त्री जुयादिइगु निश्चित जूगु दु।

राजेन्द्र श्रेष्ठयात संघीय मामिला तथा सामान्य प्रशासन, रेणु यादवयात भौतिक पूर्वाधार तथा यातायात, रामसहाय यादवयात वन तथा वातावरण व प्रमोद साहयात कृषि तथा पशुपंक्षी मन्त्रालय बिइगु खँ जूगु दु।

जसपां अध्यक्ष उपेन्द्र यादव, डा. बाबुराम भट्टराई व वरिष्ठ नेता अशोक राईयात मन्त्रीया नां क्वछिइगु जिम्मा ब्यूगु खः।