येँय् महानगरं बिल त्रिवि शिक्षण अस्पतालयात १० गः भेन्टिलेटर

येँय् महानगरं बिल त्रिवि शिक्षण अस्पतालयात १० गः भेन्टिलेटर


बैशाख २५ - येँय् महानगरपालिकां त्रिभुवन विश्वविद्यालय शिक्षण अस्पतालयात १० भेन्टिलेटर ग्वाहालि याःगु दु ।

भेन्टिलेटरया अभावय् कोरोना सङ्क्रमितया उपचारया लागि समस्या लाःगु समाचार वयाच्वंगु इलय् महानगरं  १० गः भेन्टिलेटर ग्वाहालि याःगु खः । महानगरया मेयर विद्यासुन्दर शाक्य, उपमेयर हरिप्रभा खड्गी शनिबाः अस्पताल झाया भेन्टिलेटर लःल्हानादिगु खः । लःल्हायेगु ज्याझ्वलय् नवासें मेयर शाक्यं अदृश्य शक्तिया रुपय् वयाच्वंगु कोरोना विरुद्धया लडाइलय् फुक्कं नेपाली छधि जइमाःगु धयादिल।

वय्कलं कोरोना महामारी तीव्र रुपय् विस्तार जूजु वनाः बिरामीया उपचारय् हे समस्या खनेदसेलिं महानगरं विकास निर्माण सिबें नं अस्पतालया क्षमता वृद्धिया लागि ग्वाहालि यायेगु नीति काःगु स्पष्ट यानादिल ।