यल महानगरय् मास्क अभियान शुरू

यल महानगरय् मास्क अभियान शुरू


कार्तिक १८ - यल महानरपालिकाय् ‘मास्क तयेनु, थः बचे जुइनु व मेपिन्त नं  बचे यायेनु‘ अभियान सुरु जुगु दु।

महानगरपालिकाया मेयर चिरिबाबु महर्जनया निर्देशनय् महानगरपालिका अन्तर्गतया नगर प्रहरी बलं थुगु अभियान सुरु याःगु खः। अभियान अन्तर्गत म्हिगः मंगलय् मास्क मतसें जुयाच्वपिन्त मास्क वितरण यानागु नगर प्रहरी प्रमुख सिताराम हाछेथुं धयादिल। वयकया कथं थाैं जावलाख्यलय् व कन्हय्  लगनख्यलय् मास्क वितरण जुइ।

मास्क मतसें जुयाच्वंपिन्त मास्क बिइगु व सही तरिकां मास्क मतपिन्त गुकथं मास्क तयेगु धकाः स्यनेगु ज्या जुयाच्वंगु वयकलं धयादिल। मास्क वितरण यायेत व मास्क तयेत सही तरिकाबारे जानकारी बिइत यल महानगरपालिकाया चुकचुकय् नगर प्रहरी खटे याइगु जुगु दु।