ललितपुर चेम्बरया व्यवसायीतयसं मेडिसिटी अस्पतालय् सुविधा कायेदइगु

ललितपुर चेम्बरया व्यवसायीतयसं मेडिसिटी अस्पतालय् सुविधा कायेदइगु


मंसिर ९ - ललितपुर चेम्बर अफ कमर्श व नेपाल मेडिसिटी अस्पतालदथुइ स्वास्थ्य सेवासम्बन्धि सम्झौता जुगु दु।

ललितपुर चेम्बर अफ कमर्शया नायः पुष्परत्न शाक्य व मेडिसिटी अस्पतालया महाप्रबन्धक विजय रिमालं स्वास्थ्य सेवासम्बन्धि सम्झौता पतिइ सोमबाः ल्हाचिं तयादिगु खः।

थ्व सम्झौतालिपा आः नख्खुइ च्वंगु मेडिसिटी अस्पतालया सेवालिसें उपचार ललितपुर चेम्बर अफ कमर्शया व्यवसायी व  कर्मचारीतयसं सहुलियत दरं कायेदइगु जुगु दु।

ललितपुर चेम्बरया नायः शाक्यं नेपाल मेडिसिटी अस्पतालं अन्तर्राष्ट्रियस्तरया उपचार सेवा बियावयाच्वंगुलिइ अस्पताल व चेम्बरदथुइ सम्झौता यानागु धयादिल। अस्पतालया महाप्रबन्धक रिमालं अन्तराष्ट्रिय मान्यता कयातगु अस्पतालं स्थानीय स्तरय् सेवा बिइत तत्पर दुगु धयादिल।