विप्लव समूहया ललितपुर महानगर ईन्चार्ज बज्राचार्ययात ज्वन

विप्लव समूहया ललितपुर महानगर ईन्चार्ज बज्राचार्ययात ज्वन


साउन ८ - नेकपा (विप्लव समूह) या ललितपुर महानगर ईन्चार्ज बज्र धाइम्ह महेश बज्राचार्ययात प्रहरीं ज्वगु दु।

नेवाः समुदाययात ग्वाकिगु कथंया प्रेस विज्ञप्ती पिकया सद्भाव कायम याना च्वगु थीथी जातजातिलिसें सम्प्रदायदथुइया बालागु स्वापूयात स्यकिगु कथं ग्वाकुगु, म्वाःमदुगु अफवाह फैले यागु, प्रचार प्रसार यागु थज्याःगु ज्याय् संलग्न जुगु अभियोगय् बज्राचार्ययात यल–१६ स्वथ  गणेद्येगः लिक्कं ज्वंगु खः। मंगलबाः नियन्त्रणय् काम्ह बज्राचार्ययात मखुगु अफवाह फैले याये मज्यूगु  कसुर मुद्धाय् अनुसन्धान जुयाच्वंगु महानगरीय प्रहरी परिसर ललितपुरया प्रवक्ता एसपी तुलबहादुर कार्कीं धयादिल।

अथेहे नेकपा (विप्लव समूह) या कार्यकर्ता ऐनबहादुर शाहीयात यलया बालकुमारीं मंगलबाः ज्वगु दु । राज्य विरुद्द द्धेष फैले यायेगु, नेकपा विप्लव समुहलय् आवद्ध जुइमाः धकाः स्थानीय जलखल लिसें जनमानसयात ख्याना आतंकितलिसें  हैरान यायेगु थज्याःगु ज्याखँय् आवद्ध जुयावयाच्वंगु अभियोगय्  शाहीयात ज्वनागु धकाः प्रहरीइ धागु दु।शाहीयात अभद्र व्यबहार मुद्धाय् अनुसन्धान जुयाच्वंगु एसपी कार्कीं धयादिल।