यलय् थौ नृसिंह जात्रा

 यलय् थौ नृसिंह जात्रा
फाइल फोटो


साउन २४ - यलय् थौ नृसिंह जात्रा जुइत्यंगु दु ।

उपाकलं सायाः न धाइगु नृसिंह जात्रा मल्ल जुजु सिद्धिनरसिहंया पालंनिसें  न्ह्यानावयाःच्वंगु खः । दँय दसं गुलागा पंचमी खुन्हू यलय् थुगु जात्रा जुइगु खः।

कोरोना भाइरसया जोखिमया कारणं ४ म्ह द्यःत जक तया महाद्यःननी त्वालं जात्रा न्ह्याइगु नृसिंह जात्रा समारोह समितिं २०७७ नं धागु दु । मेबलय् जुसाः बाजं नापं अप्सरागण सहित द्यःत विज्याना जात्रा जुइगुलिइ थुगुसिइ नृसिंह नाप लक्ष्मी, सरस्वती व प्रल्हाद जक जात्राय् दुथ्याइगु समितिं धागु दु। जात्राया झवलय् बाजं थाना, प्रत्यक्ष भजन हाला नृसिंह द्यःगणया पुचलं गाबहाः, पिम्वहाः, क्वन्ति, कोबहाः, मंगः, लुँहिटी, इकुबहालः महाबौद्ध, टंगलः तिच्छु गल्ली, हौगः, इखालखु, पुर्णचण्डी लिसें थीथी थासय यात्रा याइगु चलन दुसा थुगुसिइ साधारण किसिमं जक जात्रा सुथसिया १० ता इ लिपा न्ह्याकेत तयारी जुगु दु। 

यलया खुगू कुलया राजोपाध्याय समुदायं उमेरया वरिष्ठताया आधारय् पालपां फुक्क व्यवस्थापनया भाला कया उपाकलं सायाः नं धाइगु थुगु जात्रा संचालन यानावयाच्वंगु दु। थुगुसिइ महाद्यःननीया मदुम्ह कुमारधर राजोपाध्यायया परिवारं जात्रा संचालन यायेगु भाला कागु दु। 

नेपाल सम्बत ७५१ अर्थात विक्रम सम्वत १६८८ निसें थ्व  जात्रा निरन्तर सञ्चालन जुयाच्वगु लिखित दस्ताबेज दु ।