५८० दँलिपा ताःईतक चन्द्र ग्रहणं ज्वनिगु

५८०   दँलिपा ताःईतक चन्द्र ग्रहणं ज्वनिगु


मंसिर १ - वइगु मंसिर ३ गते ६ शताब्दीति थुखेया हे दकलें ताःहाकःगु ई तक चन्द्र ग्रहण जुइत्यगु दु। नोभेम्बर १९ य् जुइगु थ्व चन्द्र ग्रहण सन् २०२१ या अन्तिम चन्द्र ग्रहण जुइ।

शुक्रबाःया चन्द्र ग्रहणं चन्द्रमाया ९७ प्रतिशतति ब्वः तपुइ गूगु न्हिन्सिया १ः३० ताःपाखें उच्च बिन्दुइ थ्यनिइ। थ्व चन्द्र ग्रहण सुथसिया ११ः४७ मिनेटनिसें शुरू जुया ५ः४८ मिनेटतक अर्थात ६ घाै १ मिनेट ताःहाक जुइ। ५८० दँ थुखे थुलिमछि ताःहाकगु चन्द्र ग्रहण मजुनिइ ।

५८० दँय् नं न्हापांखुसि थथे हे ताःहाकगु ई तक चन्द्र ग्रहणं ज्वंगु खः।

थ्वया न्हय् सन् १४४० या फेब्रुअरी १८ य् दकलें ताःहाकगु चन्द्र ग्रहण जूगु खः । आः थुलि ताःहाकगु चन्द्र ग्रहण ८ फेब्रुअरी २६६९ य् तिनी जुइ ।

थ्व चन्द्र ग्रहण एसिया, अमेरिका, उत्तरी युरोप, अस्ट्रेलिया व प्रशान्त महासागरीय क्षेत्र लगायतं खनेदइ। दक्षिण एसियाया भारतं खनेदइगु थ्व ग्रहण नेपालं धासाः खनेदइ मखु।