स्वनिगलय् कडा निषेधाज्ञा लागू यायेत सीसीएमसीयात सुझाव

स्वनिगलय् कडा निषेधाज्ञा लागू यायेत सीसीएमसीयात सुझाव
फाइल फोटो


कार्तिक २६ - उपत्यका नगरपालिका फोरमं कोरोना भाइरसया संक्रमण रोकथाम तथा नियन्त्रणया लागि स्वनिगलय् हाकनं निषेधाज्ञा लागू यायेत सुझाव ब्यूगु दु।

फोरमया पदाधिकारीतयसं बुधबाः कोभिड–१९ संकट व्यवस्थापन केन्द्र (सीसीएमसी) या पदाधिकारीतयत नापलाना स्वन्ति व छठ लिपा स्वनिगलय् थ्वया न्हय सिबें नं कडा निषेधाज्ञा लागू यायेत सुझाव ब्यूगु खः। स्वनिगलय् कोरोना न्हिया न्हिथं अप्वयाच्वंगु अवस्थाय् कडा निषेधाज्ञाया विकल्प मदुगु फोरमया धापू दु।

फोरमया सचिवलिसें मध्यपुर ठिमी नगरपालिकाया मेयर मदनसुन्दर श्रेष्ठं स्वनिगलय् अप्वयाच्वगु संक्रमणयात नियन्त्रण यायेत निषेधाज्ञाया विकल्प मदुगु धयादिल। स्वन्ति छठ क्वचायेसातकि स्वनिगलय् अप्वयाच्वंगु संक्रमण दर नियन्त्रणया लागि निषेधाज्ञा जारी यायेगु धइगु खँय् गम्भिर सहलह जुगु वयकलं धयादिल।

महामारी नियन्त्रणया लागि स्थानीय तह व संघीय सरकारदथुइ समन्वन जुइमफुगुलिइ समस्या झनं अप्वइगु खतरा दुगुलिइ नियन्त्रणया लागि एकीकृत रुपय् पहल याना न्ह्यावनेगु खँय् नं सहलह जुगु वयकलं धयादिल।