ह्यारी–मेघनया ‘नश्लभेदी’ खुलासालिपा बेलायती राजपरिवारय् हलचल, बकिङ्घम दरबार गम्भीर जुगु प्रतिकिया

ह्यारी–मेघनया ‘नश्लभेदी’ खुलासालिपा बेलायती राजपरिवारय् हलचल, बकिङ्घम दरबार गम्भीर जुगु प्रतिकिया


फागुन २६ - राजकुमार ह्यारी वयकया जहान मेघन मर्केलं राजपरिवारदुने जातीय विभेदया द्प बिसेलिइ बेलायती राजदरबार बर्मिङघम प्यालेसं चिन्ता प्वकुसें निजी रुपय् थ्वबारे खँ ल्ह्यायेगु धागु दु।

ह्यारी व मेघनं छुं दिं न्हय् अमेरिकी पत्रकार ओप्रा विन्फ्रेयात ब्यूगु छगू अन्तर्वार्ताय् राजपरिवारया छम्ह दुजलं जातीय विभेद याःगु खँ पितबियादिगु खः।

‘लिपांगु छुं दँ ह्यारी व मेघनया लागि गुलि चुनौतिपूर्ण जुगु खँ न्यना पूरा राज परिवार दुखी जुगु दु,’ बर्मिङघम प्यालेसं पिकागु  वक्तव्यय् धयातगु दु, निम्हसियां ल्ह्वगु विषयत खासयाना जातलिसें स्वाःगु मुद्दा चिन्ताजनक दु। थुकियात तसकं गम्भीर रुपय् कागु दु व राजपरिवारं थ्वबारे निजी रुपय् खँल्हाबल्हा याइ।’

वक्तव्यकथं राजपरिवारया दुज ह्यारी, मेघन व वयकपिनिगु काय् आर्चीयात इमिसं तसक मतिना यानाच्वनिइ । विन्फ्रेलिसेंया अन्तर्वार्ताय् मेघनं वयकया बुइत्यम्ह काय् गुलि हाकुसें च्वनिइ धकाः राजपरिवारया छम्ह दुजलं न्यगु धयादिगु दु। मेघनं अन्तर्वार्ताया झ्वलय् थ्व टिप्पणी महारानी व युवराजं धासाः मयागु प्रष्ट यानादिगु दु।

अमेरिकी पूर्व अभिनेत्री मेघन बेलायतया राजपरिवारय् न्हापांम्ह मिश्रित जातया दुज जुयादिइ।

ह्यारी व मेघनया थ्व अन्तर्वार्तायात कया थुथाय हलिन्यकं चर्चा जुयाच्वंगु दु व बर्मिङघम प्यालेसयात वगु रंगभेदी आरोपया लिसः बिइत लगातार दवाव अप्वयाच्वगु इलय् राज परिवारया वरिष्ठ दुजत दथुइया आपतकालीन बैठकलिपा बर्मिङघम दरबारपाखें वक्तव्य पिहाँवगु खः।

विन्फ्रेलिसेंया अन्तर्वार्ताया झ्वलय् ह्यारी व मेघनं राजपरिवारदुनेया जातीय भेदभाव व रंगभेदी व्यवहार, थःगु मानसिक स्वास्थ्य व इपिंप्रति सन्चारमाध्यमया व्यवहारबारे खँ ल्हागु खः।

थुखे बेलायतया पत्रकार व टेलिभिजन प्रस्तोता पियर्स मोर्गनं मेघनया बारेय् याःगु आपत्तीजनक टिप्पणीलिपा टेलिभिजन त्वःतेमागु दु । वयक आईटीभीलय्  सन् २०१५ निसें ‘गुड मर्निङ ब्रिटेन’नांया ज्याझ्वःया सन्चालक खः।

‘अन्तर्वार्ताया झ्वलय् मेघनं थःगु मानसिक स्वास्थ्य व आत्महत्याया सोचबारे गुलि खँ ल्हात, वकिइ छुं न विश्वास मदु।’मोर्गनया थ्व ट्वीटयात कया आईटीभीइ ४१ द्वः उजुरी व गुनासो वगु खः। थुगु ट्वीट लिपा वयकलं ज्या त्वःतेमाःगु खः।

राजपरिवारनापं च्वःबलय्या थःगु अनुभवबारे मेघनं धयादिगु दु, ‘सुरुइ जित तसकं याकचा महशुस जुइगु खः । थुलितक कि जिं थःगु जीवनय् थज्यागु गबले थज्याःगु अनुभव फय्मलं । यक्व नियमय् च्वनेमाः। जिं थः पासापिंनापं न नयेत पिहाँवनेमफु।’ मेघनं अन्तरवार्तया झ्वलय् प्रयोग याःगु ‘अनसर्भाइवेवल’ शब्दया बारेय् विन्फ्रें प्रष्ट यायेत धासेलिइ वयकलं धयादिल, ‘जित म्वायेमास्ति मवल। जिं थ्व खँ ह्यारीयात धायेमफु छाय् कि वयकलं जीवनय् यक्व खँ गुमे यागु दु ।थ्व ग्यानापुगु बिचा जिगु दिमागय् न्ह्याबलें वयाच्वन।’

अन्तर्वार्ताया झ्वलय् ह्यारीं नं थःगु परिवारं जातीय विभेदया विरोध मयागुलिइ तसकं दुःख ताःगु धयादिल। इमिसं थः काय् आर्चीयात सुरक्षा व राजपरिवारया उपाधि मबिइत जुगु षड्यन्त्रबारे नं खँ ल्हागु खः।

मेघनं धयादिल, ‘गूगु नियमकथं जिमि सन्तानयात राजकुमार वा राजकुमारीया उपाधि बिइमाःगु खः वहे नियम परिवर्तन यानाबिल । जिं प्वाथय् दुगु इलय् इमिसं थुलि तक धाल कि जिमि काय्या लागि थ्व नियम परिवर्तन जुगु खः ।जिं न्यना छाय्?’

मेघनं  थप यानादिल, ‘जिं प्वाथय् दुगु हे इलय् निश्चित जुइधुक्कुगु खः कि जिगु सन्तानं छुं न उपाधि काइ मखु । अबले खँ जुइगु कि आर्ची बुइबलय् गुलि हाकुइ जुइ धकाः ?’

थगुनेया सुरुइ ह्यारीइ थः व थः जहान मेघन राजपरिवारया वरिष्ठ दुजपाखें अलग जुइगु घोषणा यानादिगु खः। थः हे आर्थिक रुपय् स्वतन्त्रताया लागि  ज्या यायेगु धकाः घोषणा यानादिगु खः। राजकुमारया थ्व निर्णयलिपा बेलायती राजपरिवारय् तधकं हलचल जुगु खः। थुथाय् वयकपिं अमेरिकाय् च्वनाच्वंगु दु।