कोरोनाया कारणं ५ देय्या लागि ‘नो अब्जेक्सन लेटर’ मबिइगु जुल

कोरोनाया कारणं  ५ देय्या लागि ‘नो अब्जेक्सन लेटर’ मबिइगु जुल


बैशाख ९ - नेपाल सरकारं ५  गू देय्या लागि वैदेशिक अध्ययन स्वीकृति पत्र ‘नो अब्जेक्सन लेटर’ जारी यायेगु ज्या बन्द याःगु दु।

लिपांगु इलय् हाकनं कोरोना संक्रमण दर अप्वसेलिं शिक्षा, विज्ञान तथा प्रविधि मन्त्रालयं सूचं पिकया जापान, अस्ट्रेलिया, दक्षिण कोरिया, बंगलादेश व चीनया लागि स्वीकृति पत्र बिइगु ज्या बन्द जूगु जानकारी ब्यूगु खः।

छुं दिं थुखे कोरोना भाइरसया न्हूगु भेरियन्ट हलिन्यकं नेनाच्वंगु दु । थुकियात बिचा यानाः सोमबाः च्वंगु मन्त्रिपरिषद् बैठकया निर्णयकथं बिहीबाःनिसें मेगू सूचं मवतले स्वीकृतिपत्र मबिइगु धागु खः।

स्वीकृति पत्र कासाः नं उगु ५ देशय् वने मदुगुलिइ आःयात स्थगित यानागु धकाः मन्त्रालयया उपसचिव नारायणप्रसाद पोखरेलं धयादिल।विदेशय् ब्वनाच्वंपि ब्वमितय्गु हकय् धासाः स्वीकृति पत्र जारी यायेगु ज्या जुइगु वय्कलं धयादिल।