नेकपा स्थायी कमिटीया बैठक अनिश्चित

नेकपा स्थायी कमिटीया बैठक अनिश्चित


बैैशाख २४ - सत्तारुढ नेपाल कम्युनिस्ट पार्टी (नेकपा) या स्थायी कमिटीया बैठक अनिश्चित जुगु दु। बालुवाटारय् बुधबाः च्वंगु सचिवालय बैठकय् अध्यक्षद्वय केपी शर्मा ओली व पुष्पकमल दाहाल प्रचण्डंं २० गतेया निर्णयकथं सहमतिया प्रस्ताव तयार यायेमफुगु जानकारी नेतातयत बियादिगु खः।  थ्वयां लिपा बैठक हे अनिश्चित जुगु खः । बैठकया ज्याधलः वा बैठकबारे छु यायेगु धकाः निर्णय निम्ह अध्यक्षतयसं याइगु प्रवक्ता नारायणकाजी श्रेष्ठं धयादिल । थ्वया न्हयः २० गते च्वंगु सचिवालयया निर्णय कथं स्थायी समिति च्वनेत अझं नं गृहकार्य जुयाच्वंगु जानकारी निम्ह अध्यक्षतयसं बियादिगु प्रवक्ता श्रेष्ठं धयादिल । सचिवालय बैठक न्ह्यानाच्वंगु इलय्  प्रधानमन्त्री लिसें अध्यक्ष ओली धासाः आराम यायेत धासें पिहाँझागु खः । 

नेकपां बिहिबाः स्थायी कमिटि बैठक सतातगु दु । पार्टीलिसें सहलह मब्याकुसें  प्रधानमन्त्री केपी शर्मा ओलीं वैशाख ८ गते निगू अध्यादेश जारी यासेलिइ नेकपा दुने विवाद तच्वगु खः । निगुलिइ अध्यादेश वैशाख १२ य् लितकायेधुक्कुगु जुसाः नं अध्यक्ष पुष्पकमल दाहाल प्रचण्ड व वरिष्ठ नेता माधवकुमार नेपाल प्रधानमन्त्री ओलीप्रति आक्रमक जुयादिगु खः ।

थ्व नं स्वयादिसः

नेकपा स्थायी कमिटीया बैठक अनिश्चित (भिडियो)