नवदुर्गाया प्रसाद शीतल निवास छ्वइगु

नवदुर्गाया प्रसाद शीतल निवास छ्वइगु


कार्तिक १४ - राष्ट्रपति विद्यादेवी भण्डारी कतिं पून्हिखुन्हु नवदुर्गाया दर्शन व प्रसाद ग्रहणया थुगुसिइ ख्वपय् मवसेलिइ नवदुर्गाया प्रसाद राष्ट्रपति निवासय् छ्वयेत तयारी जुगु दु।

कोरोना भाइरसया महामारीया कारण राष्ट्रपति ख्वपय् मथ्यसेलिइ देवगणतयसं वइगु मङ्गलबार नवदुर्गायात हिं त्वःकेगु विधि क्वचायेकाः शीतल निवासय् प्रसाद ब्यूवनेत तयारी जुगु नवदुर्गा देवगण जात्रा तथा मन्दिर व्यवस्थापन समितिया छयाञ्जे  रत्नमान बनमालां जानकारी बियादिल। वयकलं राष्ट्रपतियात तःसिँ, पञ्चकाः, स्वांतया प्रसाद बिइत तयारी जुगु धयादिल।

विसं. २०४५ लिपा न्हापांखुसि कतिं पून्हि खुन्हु राष्ट्रप्रमुख नवदुर्गा देवगणया दर्शन व प्रसाद ग्रहणया लागि ख्वप झागु खः। थ्व खुन्हू राष्ट्रप्रमुख गँछेंय् दुगु नवदुर्गा द्यछें  वना नवदुर्गा भवानीया दर्शन व प्रसाद ग्रहण याइगु प्रचलन अबलेया जुजु वीरेन्द्रं सुरु यानादिगु खः।