जनकपुर थ्यकंवल नेपाली रेल, फाेटाे व भिडियाे काइपिं म्वःम्वः

जनकपुर थ्यकंवल नेपाली रेल, फाेटाे व भिडियाे काइपिं म्वःम्वः


असोज २ -  नेपाःया ध्वाँय् अङ्कित रेल जनकपुर थ्यकंवगु दु।

छगः इन्जिन व ४ गः बोगीनापया रेल शुक्रबाः न्हिनय् जनकपुर थ्यकवंगु रेल विभागका महानिर्देशक बलराम मिश्रं फेसबुकमार्फत जानकारी बियादिगु दु। 

नेपाली रेल भारतया हाजिपुर रेल्वे स्टेशनपाखें जयनगर जुया शुक्रबाः न्हिनय् जनकपुर थ्यकवंगु खः। रेलया तजिक लसकुस याना जनकपुरय् हस्तान्तरण यायेत तयारी जुगु दु। 

धनुषाया कुर्थानिसें भारतया जयनगरतक रेल सञ्चालनया लागि निगः रेल नेपाल थ्यकंवगु खः। 

६ दँ न्हय् २०७१ सालनिसें रेल सेवा बन्द जुगुलिइ आः हाकनं सञ्चालन जुइत्यगु खः। आवश्यक कानुन दयेकाः माेहनी स्वन्तिलिपा रेल सञ्चालनय् हयेगु धकाः  विभागं धागु दु। भारतीय सरकारी कम्पनी कोनकान कम्पनीमार्फत रेल सेट न्यागु खः।

जनकपुरय् रेल थ्यकंवसेलिइ आः अन मनूत म्वःम्वः जुयाच्वंगु। फाेटाे कायेत भिडियाे कायेत  कोरोना भाइरसया संक्रमणया जोखिमया दथुइ न मनूत यक्व मुनाच्वगु दु । 

किपा : रेल विभागया निर्देशक बलराम मिश्रया फेसबुकपाखें