४० देशय् च्वपिं नेपाली कोरोनां प्रभावित, आःतक २४३ म्ह सित

४० देशय् च्वपिं नेपाली कोरोनां प्रभावित, आःतक २४३ म्ह सित


भदौ २८-विश्वव्यापी महामारी कोरोना भाइरसया सङ्क्रमणं विदेशय् च्वपिं थप  ४३ म्ह नेपाली सिगु पुष्टि जुगु दु ।

वंगु मार्च महिना थुखे साउदी अरबय् जक ४१ म्ह नेपालीे कोरोनाया कारणं सिगु साउदीइ च्वंगु नेपाली दूतावासयात उद्धृत यासें गरेरआवासीय नेपाली संघया स्वास्थ्य समितिइ धागु दु। थ्वनापं साउदी अरबय् जक कोरोनाया कारण ५२ म्ह नेपाली सिगु दु ।

अथेहे वंगु वालय् कतारय् नं  थप २ म्ह नेपाली कोरोना सङ्क्रमणं सिगु दु । थ्वनापं म्हिगः बहनीतक थीथी  १६ देशय्  कोरोनां याना २४३ नेपाली सिगु स्वास्थ्य समितिया संयोजक डा सञ्जिव सापकोटां जानकारी बियादिल। बेलायत, यूएई, साउदी अरब, बहराइन, कुवेत, कतार, आयरल्याण्ड, जापान, टर्की, नेदरल्याण्ड, स्वीडेन, भारत, दक्षिण अफ्रिका लगायत १६ देशय् दुपिं नेपालीत सिगु खः। स्वास्थ्य समितिया कथं थुगु वालय्  स्पेन, पोल्याण्ड, भारत, कतार व साउदी अरब  लगायतया देशय् कोरोना सङ्क्रमणदर सामान्य थहाँवगु दु ।

समितिया कथं आःतक विश्वया ४० देशय् दुपिं नेपाली कोरोना भाइरसपाखें संक्रमित जुगु दु।