बेलायतय् डेल्टासिबें १० प्रतिशत अप्व सङ्क्रामक काेराेनाया न्हूगु भेरिएन्ट लुत

बेलायतय् डेल्टासिबें १० प्रतिशत अप्व सङ्क्रामक काेराेनाया न्हूगु भेरिएन्ट लुत


कार्तिक ३ - बेलायतय् कोरोनाया डेल्टा भेरिएन्टसिबें १० प्रतिशत अप्व सङ्क्रामक न्हू भेरिएन्ट खनेदूगु दु। लिपांगु इलय् विकसित जूगु कोरोनाया डेल्टा भेरिएन्टसिबें न्हू भेरियन्ट १० प्रतिशत सङक्रामक जूगुलिं सचेत जुइत विज्ञलिसें डाक्टरतय्सं सुझाव ब्यूगु दु।

कोरानाया न्हूगु विकसित रुप फैले जूगु कारण बेलायतय् कोरोना महामारी अप्वगु दु। न्हू विकसित स्वरुपया थ्व भेरिएन्टया कारण चिन्तित जूगु बेलायतं कोरोना नियन्त्रणया लागि थप उपाय अवलम्बन यायेत विज्ञलिसें वैज्ञानिकतलिसें परामर्श नं न्ह्याकूगु दु। थ्व महामारीपाखें मुक्त जुइत अझं छुं इ काइगु विज्ञतय्सं धागु दु।

लिपांगु इलय् बेलायतय् कोरोना भाइरसया सङ्क्रमित अप्वयावंगु दु। कोरोना सङ्क्रण दर उच्च जुयावनाच्वगु इलय् बेलायतय् छन्हू हे २२३ म्ह सिगु दु। कोरोनाविरुद्धया निगूगु डोज खोप पूवकं बुस्टर बिइत सुरु यागुलिं नं कोरोना सङक्रमण जूगु अनया स्वास्थ्यकर्मीतय्सं धागु दु। प्रधानमन्त्री बोरिस जोन्सनं थप सतर्कताया लागि इनाप याःगु दु।