कीपू नगरपालिकाय् ‘मास्कविना प्रवेश निषेध’ अभियान सुरु, मास्क बैंकया नं स्थापना

कीपू नगरपालिकाय् ‘मास्कविना प्रवेश निषेध’ अभियान सुरु, मास्क बैंकया नं स्थापना


भदाै २० - कीपू नगरपालिकां ‘मास्कविना प्रवेश निषेध’ अभियान सुरु याःगु दु। कोरोना भाइरसपाखें बचे जुइत मास्क अनिवार्य तयेमाःगु जुसेलिं कीपू नगरपालिकां फुक्क नागरिकयात मास्क अनिवार्य तयेत जनचेतना ब्वंलकेगु उद्देश्यं थ्व अभियान सुरु याःगु धागु दु।

आइतबाः सुथय् कीपूलिं अभियानया शुभारम्भ यासें मेयर रमेश महर्जनं फुक्कं नागरिकयात कोरोनाया संकटपाखें बचे यायेत अनिवार्य रुपं मास्क तयेगु लागि जनचेतना ब्वलकेगु लागि अभियान सञ्चालनय् हयागु धकाः स्पष्ट यानादिल।

कीपू नगरपालिकां मनूत म्वःम्वः जुइगु ठासय् वनेबलय् हरेक नागरिकं अनिवार्य रुपय् मास्कया प्रयोग यायेमाःगु जुगुलिं थ्व अभियान संचालनय् हयेमाःगु धकाः धागु दु। थुकिया लागि मास्क उपलब्ध याकेत ‘मास्क बैंक’ या नं स्थापना याःगु दु। दुपिंन्सं बिइगु व मदुपिन्त निःशुल्क रुपय् बिइत बैंकया स्थापना यानागु धकाः मेयर महर्जनं धयादिल।