ख्वपय् मिजंतयके सिबे मिसापिंन्के यक्व कोरोना संक्रमण

ख्वपय्  मिजंतयके सिबे मिसापिंन्के यक्व कोरोना संक्रमण


साउन १ - ख्वपय् मिजंतयके सिबे मिसापिन्के यक्व कोरोना संक्रमण खनेदुगु दु।

स्वास्थ्य ज्याकु ख्वपं थाैं पत्रकार सम्मेलन याना थथे जानकारी बिउगु खः। ज्याकु प्रमुख कृष्ण मिजारया कथं ख्वपय् थाैंतकया दुने २९ म्ह मिसा व १९ म्ह मिजंतयके याना ४८ म्हसिके कोरोना संक्रमण खनेदुगु दु।

कोरोना संक्रमित मध्ये १८ म्ह मिसा व १२ म्ह मिजं याना मुक्कं ३० म्ह  लायेकाः छेँय् लिहाँवनेधुक्कुगु दुसा ११ म्ह मिसा व ७ म्ह मिजं याना १८ म्हसिगु थीथि अस्पतालय् वास जुयाच्वगु प्रमुख मिजारं धयादिल।

ख्वपय् आःतक २,२८९ म्हसिगु पिसिआर परीक्षण जुगु व  १,९३३ म्हसिगु आरडिटी परीक्षण जुगु स्वास्थ्य ज्याकुथिइ धागु दु।थुथाय् ख्वपय् १७१ म्ह थीथी ठासय् तयातगु क्वारेन्टिनय् च्वनाच्वंगु दु।