पूलांगु ज्याख्यलय् मदुगु नोटपाखें ब्रिकेट

पूलांगु ज्याख्यलय् मदुगु नोटपाखें ब्रिकेट


भदाै १५ - नेपाल राष्ट्र बैंकं प्रचलनय् हयेमछिंगु पुलांगू, गुनाच्वंगु, ज्याख्यलय् मदुगु पुलांगु नोटपाखें ब्रिकेट दयेकेगु प्रविधि हःगु दु। नेदरल्यान्डं न्हापांखुसि हःगु थ्व प्रविधिया प्रयोगं आः प्रचलनय् हयेमछिंगु नोटयात छ्वयेकाः पिहाँवइगु नौयात इन्धनया रूपय् प्रयोग जुइगु ब्रिकेट दयेकुगु खः।

 न्हापां चलनचल्तीइ हयेमछिंगु नोटयात छ्वयेका छ्वइगु खः।

नेदरल्यान्डया छगू कम्पनीलिसें सन् २०२० जूगु सम्झौताकथं ८ मेशिन हयेगु सहमतिकथं आः थ्यकंवगु ४ मेशिनपाखें न्हापांगु चरणय् येँय्, विराटनगर, वीरगञ्ज व नेपालगञ्जय् जडान यानाः छ्वयेकूगु नोटपाखें ब्रिकेट उत्पादन याःगु नेपाल राष्ट्र बैंक, मुद्रा व्यवस्थापन विभागया प्रमुख रेवतीप्रसाद नेपालं धयादिल ।

वय्कया कथं थुगु मेशिनपाखें येँय् ब्रिकेट उत्पादन सुरु जुइधुक्कुंगु दुसाः  नेपालगञ्ज लगायत मेथाय् नं उत्पादन शुरू जुइ।

न्हापांखुसि छ्वयेकूगु ४०० बन्डल नोटं ४०० केजीति नौ पिहाँवगु दु। नोटया आकारकथं नौया परिणाम फरक जुइगु वय्कया धापू दु। उकियात छ्यला ब्रिकेट उत्पादन याःगु खः।

बैंकं दँय् दसं ४०–४५ अर्ब तकातिया पूलांगु नोट नष्ट यानाच्वंगु दु।