पत्रकार खः धासें ठगी यागु द्वपनय् छम्हसित ज्वन

पत्रकार खः धासें ठगी यागु द्वपनय्  छम्हसित ज्वन


साउन ३० -  केन्द्रीय अनुसन्धान ब्युराें (सीआईबी) या नामय् ठगे यायेत्यंगु द्पनय् छम्हसित ज्वगु दु।

धादिङया नीलकण्ठ नगरपालिका १४ छेँय् जुया येँया तारकेश्वर नगरपालिका ११ नेपालटार च्वनिम्ह शङ्करप्रसाद अधिकारीयात ज्वगु खः। छम्ह व्यवसायीयात अख्तियारय् मुद्दा लागु व मुद्दा सदर जुया सीआईबीलय् ज्वनेत पत्राचारनापं जुगु धकाः ख्याना ठगे यायेत्यगु द्वपं अधिकारीयात बियातगु दु। उगु मुद्दा स्वइम्ह सीआईबीया इन्सपेक्टरयात ५ लख तका ब्यूसाः मुद्दा रद्द याकाबिइगु धकाः नं धागु खँ सिइदुगु सीआईबीया उपनिर्देशकलिसें प्रहरी उपरीक्षक बेलबहादुर पाण्डें धयादिल।

अधिकारीयात महानगरपालिका ३ या बसुन्धरां ज्वगु खः। थःयात आलोचना साप्ताहिकया पत्रकार धाइम्ह अधिकारीइ मेपिं मनूतयत नं थीथी त्वहँ चिना ठगी यागु जुइफुगुलिइ थप अनुसन्धान सुरु यानागु धकाः प्रहरी उपरीक्षक पाण्डें धयादिल।