सांसदतयगु कोरोना परीक्षण सुरु

सांसदतयगु कोरोना परीक्षण सुरु


बैशाख २५-नेपालय् कोरोना भाइरसया सङ्क्रमण अप्वसेलिइ फुक्कं क्षेत्रय् सावधानी अप्वयेकुगु दु । बिहीबाःनिसें सङ्घीय सांसदतयगु न कोरोना भाइरस परीक्षण शुरु यागु दु । शुक्रबाःनिसें  सङ्घीय संसद् बैठक सुरु जुइगुलिइ सांसदतयगु पीसीआर विधिपाखें कोरोना परीक्षण सुरु जुगु संसद् सचिवालयं धागु दु ।

कार्यव्यवस्था परामर्श समितिं न संसद् भवन दुहाँवइपिं फुक्कसिगु कोरोना भाइरस परीक्षणनापं स्वास्थ्य परीक्षण यायेगु व्यवस्था यायेत स्वास्थ्य मन्त्रालययात इनाप याःगु खः । संसद् बैठक स्थलय् न सांसदतदथुइ दुरी कायम यायेगु याना व्यवस्था याःगु दुसाः संसद् प्रवेश याइपिन्त अनिवार्य रुपं मास्क तयेमाःगु व ज्वर नापे यायेमाःगु व्यवस्था याःगु दु ।

सङ्घीय संसदया  प्रतिनिधिसभा व राष्ट्रिय सभाया बर्खाया अघिवेशन शुक्रबाःनिसें सुरु जुइत्यगु दु । थ्व अधिवेशनय् सरकारया नीति लिसे कार्यक्रम व बजेट प्रस्तुत, सहलह व पारित याइगु ज्याघलः दु ।