ओली नेपालदथुइया सहलह क्वःचाल

ओली  नेपालदथुइया सहलह क्वःचाल


बैशाख ९ - नेकपा एमालेया अध्यक्ष केपी शर्मा ओली व नेता माधवकुमार नेपालदथुइ बिहिबाः जूगु भेटवार्ता क्वःचागु दु।

येँय्या छगु होटलय् अध्यक्ष ओली व वरिष्ठ नेता नेपालं सहलह यानादिगु खः।

सहलहया झ्वलय् ओली व नेपालं होटलया झ्यालं धरहरा स्वयाच्वंगु तस्बिर नं सार्वजनिक जूगु खः। तस्बिरय् निम्ह नेता लय्तागु अवस्थाय् खनेदुगुलिइ सहलह सकारात्मक जूगु जुइफुगु एमालेया नेता/कार्यकर्तातयसं अनुमान याःगु दु । ओली व नेपालदथुइ म्हिगः बहनी नं भेटवार्ता जूगु खः।

प्रधानमन्त्री ओलीइ नेता माधव नेपालनापंया नेतातयत तकमछि स्पष्टीकरण न्यना पार्टीया साधारण सदस्य व सांसद पदपाखें चिकेगु ख्याचो बियाच्वनादिगु दु। माधव नेपाल पक्षं केन्द्रनिसें वडा तहतक समानान्तर कमिटी दयेकाच्वंगु दु। तर मध्यम तहया नेतातयसं पार्टी तज्यायेगु पाखें बचे यायेत अध्यक्ष ओलीयात सुझाव ब्यूगु दु।