नेपाःनापं १० एसियाली देय्यात फिलिपिन्सं तयातःगु प्रतिबन्ध चिकल

नेपाःनापं १० एसियाली देय्यात फिलिपिन्सं तयातःगु प्रतिबन्ध चिकल


भदाैं २०  - फिलिपिन्सं नेपाःनापं १० एसियाली देय्यात तयावयाच्वंगु यात्रा प्रतिबन्ध चिकेगु निर्णय याःगु दु।खोपया कारण संक्रमण भयाबह जूगु निश्कर्ष पिकया सेप्टेम्बर ६ निसें फिलिपिन्सं १० एसियाली देय्यात यात्रा खुला यायेगु निर्णय याःगु खः।

फिलिपिन्सया राष्ट्रपति रोड्रिगो डुटेर्तें नेपाः, भारत, पाकिस्तान, बङ्गलादेश, श्रीलङ्का, संयुक्त अरब इमिरेट्स (यूएई), ओमान, थाइल्याण्ड, मलेसिया व इन्डोनेसियाय् कोभिड–१९ या यात्रा प्रतिबन्ध चिकेगु अन्तर निकाय कोभिड–१९ कार्यदलया सिफारिस स्वीकृत यानादिगु खः।

थुपिं एसियाली देशं फिलिपिन्स वइपिं यात्रुतय्गु लागि यात्रा प्रतिबन्ध चिकागु धकाः राष्ट्रपतिया प्रवक्ता ह्यारी रोकं धयादिल । रोकया कथं भारत, नेपाल, पाकिस्तानलगायत १० एशियाली देशं वइपिं अन्तर्राष्ट्रिय यात्रुतय्सं प्रवेश, परीक्षण व क्वारेन्टिनसम्बन्धी नियमत  पालना यायेमाः।

फिलिपिनी नागरिकया कूटनीतिज्ञलिसें विदेशी त्यपू थज्याःगु विशेष भिषा वाहकबाहेकया प्रतिबन्धित मेपिं विदेशी मुलुकया पर्यटकतय्त अझं नं देशय् दुहाँवयेत रोक तयातःगु दु। डेल्टा भेरिएन्टया स्थानीय सङ्क्रमण फिलिपिन्सया समुदायलय्  फैले जूगु दु।

फिलिपिन्सया १,७८९ मनूयाके कोभिड–१९ या डेल्टा भेरिएन्ट सङ्क्रमण पुष्टि जूगु दुसाः ३३ म्ह सिगु दु।

फिलिपिन्सं नेपाःनापं १० एसियाली देय्यात अप्रिलनिसें प्रतिबन्ध तःगु खः।