नेपालय् कोरोना संक्रमण भयावह जुइगु लक्षण खनेदत - प्रधानमन्त्री ओली (भिडियो)



बैशाख २५ - प्रधानमन्त्री केपी ओलीं नेपालय् कोरोना संक्रमण भयावह जुइफुगु लक्षण खनेदुगु धासें सजग जुइत आव्हान यानादिगु दु । बिहीबाः बुद्ध जयन्तीया झवलय् बियादिगु भिडियो सन्देशय् वयकलं महामारीें भयावह रुप कायेफगु चेतावनी बिसें फुक्कंसित सजग  जुइत आह्वान यानादिगु खः।  सरकारं न्ह्याकुगु कदमयात प्रभावकारीया संज्ञा बिसें वयकलं सरकारया कदमया कारण स्थिति भयावह मजुगु दाबी न यानादिल । शान्तिया कामना यायेत व कोरोना संक्रमितया उपचारय् संलग्न स्वास्थ्यकर्मी, स्वयंसेवी, सहयोगीतप्रति ऐक्यबद्धता प्वकेत थःथ:गु संस्था, छेँय् न बिहीबाः सनिलया ७ ता इलय् मत च्याकेत न प्रधानमन्त्री ओलीं इनाप यानादिगु दु।