नेपालमण्डल टेलिभिजनया शेयरहोल्डर लिसें  शिक्षाकर्मी राजकुमार महर्जन मन्त

नेपालमण्डल टेलिभिजनया शेयरहोल्डर लिसें  शिक्षाकर्मी राजकुमार महर्जन मन्त


जेठ २५  -  नेपालमण्डल टेलिभिजनया शेयरहोल्डर लिसें  शिक्षाकर्मी राजकुमार महर्जन मन्त। वय्क ५२ दँया बैशय् कोरोना भाइरसया संक्रमणया कारण थौं मदुगु खः।

वय्क निजी तथा आवासीय विद्यालय अर्गनाइजेशन (प्याब्सन) या केन्द्रीय प्राज्ञिक सल्लाहकार , क्वेष्ट नेपालया अध्यक्ष लिसें सूर्यविनायक नगरपालिका–२ बालकोटया माउण्ट भ्यु इङ्लिस बोडिङ स्कुलया संस्थापक  प्रिन्सिपल जुयादिइ। प्याब्सनया पूर्व केन्द्रीय उपाध्यक्ष, ख्वपया पूर्वाध्यक्ष वय्क वंगु वैशाख १२ गते उपचारया लागि बिएण्डबी अस्पताल ग्वार्कोय् भर्ना जुयादिगु खः। वयकया दाजु श्याम महर्जनं कोरोनाया लिपांगु रिपोर्ट नेगेटिभ वसाः नं स्वँय् याःगु क्षति व मधुमेहया कारण वय्क मदुगु धयादिल।

२०२६ कात्तिक २ गते यलया चाँगाथलीइ जन्म जुयादिम्ह महर्जनं शिक्षाया विकासया लागि २ दशकनिसें योगदान बियाच्वनादिगु खः।