रथ सालेगु झ्वलय् ज्वपिं फुक्कसित त्वःतल

अशोज कुमार महर्जन, रविन शाक्य, यादवलाल कायस्थ, नरेश शाक्य, सञ्जय शाक्य, करण देउला व देवेन्द्र देउलायात बिहिबाः त्वतल

रथ सालेगु झ्वलय् ज्वपिं फुक्कसित त्वःतल
किपाः सांसद राजकाजी महर्जनया फेसबुक


भदाै २५ - यलया पुच्वय् विहिबाः बुंगद्यःया रथ सागु इलय् जुगु ल्वापूया झ्वलय् प्रहरीइ नियन्त्रणय् कापिं फुक्कसित त्वःतुगु दु। 

वंगु बिहीबाः पुच्वलय् बुंगद्यःया रथ सागु झ्वलय् ज्वपिं मध्ये ७ म्हसित हिरासतय् तयातगुलिइ वयकपिन्त बिहिबाः त्वःतुगु खः। नियन्त्रणय् कापिं मध्ये  अशोज कुमार महर्जन, रविन शाक्य, यादवलाल कायस्थ, नरेश शाक्य, सञ्जय शाक्य, करण देउला व देवेन्द्र देउलायात विहिबाः त्वःतुगु धकाः सांसद राजकाजी महर्जनं धयादिल। वंगु बिहिबाः पुच्वय् बुंगद्यःया रथ सागु खँय् २० म्हसित ज्वगुलिइ मेपिन्त थ्वया न्हय् त्वःतेधुक्कुगु खः ।

प्रहरीइ नियन्त्रणय् कयातपिन्त निशर्त त्वःतेमागु माग यासें वंगु शुक्रबाः निसें स्वनिगःदुनेलिसें स्वनिगःपिने न्हिया न्हिथं  दवावमूलक प्रदर्शन जुयाच्वंगु खः।