असार ७ गते खण्डग्रास सुर्य ग्रहण, प्यगू राशियात विशेष फल बिइगु

थुगु ग्रहणलिसें कोरोना भाइरसया प्रभाव क्वचाइगु दाबी

असार ७ गते खण्डग्रास सुर्य ग्रहण, प्यगू राशियात विशेष फल बिइगु


असार २ - २०७७ साल असार ७ गते आइतबाः खण्डग्रास सुर्य ग्रहण जुइत्यंगु दु ।

सुथसिया १० ई जुया ५० मिनेटय् शुरू जुइगु थ्व ग्रहण न्हिनसिया १२ ई जुया ३८ मिनेटय् मध्य अवस्थाय् वइगु व न्हिनसिया  २ ई जुया २३ मिनेटलिपा क्वचाइगु पात्रोय् न्ह्यथनातःगु दु । थ्व ग्रहणया अवधि ३ घाै व ३३ मिनेटया जुइ । 

खण्डग्रास सुर्यग्रहण मिथुन राशिलिसें मृगशिरा व आर्द्रा नक्षत्रया व्यक्तितयत अतिकष्ट जुइगु ज्योतिषतयसं धागु दु।

  • वृष, मिथुन,कर्कट, तुला, वृश्चिक, धनु ,कुम्भ व मीन राशीइ नकारात्मक प्रभाव लाकिगु व  मेष, सिंह, कन्या व मकर राशियात ग्रहणं विशेष फाईदा बिइगु धकाः धयातगु दु ।

  • मेष राशियात श्री प्राप्ति, वृषयात क्षति, मिथुनयात घात, कर्कट व्यय, सिंहयात लाभ, कन्यायात सुख, तुलायात मान नाश, वृश्चिकयात कष्ट, धनुयात स्त्रीपीडा, मकरयात सुख, कुम्भयात चिन्ता व मीनयात व्यथा जुइगु पात्रोय् न्ह्यथनातःगु दु ।

अथेहे वंगु डिसेम्बर २६, २०१९ तारिखय् जुगु इतिहासया हे दुर्लभ कथ कयातःगु सूर्यग्रहण जुइधुक्का उकिया नकारात्मक शक्ति पृथ्वीइ सूर्यया किरणपाखें वगु धकाः खगोलविदतयसं धयाच्वंगु दु ।

थुकियाया हे कारणं कोरोनाया भाइरसया प्रभाव पृथ्वीलय् लागु धकाः नं धयाच्वंगु दु। सू्र्यं थःगु सौर्य परिवारया परिक्रमा यायेगु झ्वलय् राहु व  केतु ग्रह सूर्यया लिक्क वइबलय् नकारात्मक शक्ति दुगु सूर्यया किरण पृथ्वीलय्  वइ।

पूर्ण रुपय् थुकिया प्रभाव कम यायेत मेगु सूर्य ग्रहण पिइमाः धकाः इमिसं थ्वया न्हय् निसें धयावयाच्वंगु दु ।

२०७७ साल असार ७ गते (जुन २१ सन् २०२०) या सूर्य ग्रहणलिपा उकिया  समाधान जुइ धकाः खगोल विद्तयसं दाबी यानाच्वंगु दु । थुगु ग्रहणलिसें कोरोना भाइरसया प्रभाव क्वचाइ धकाःन दाबी यानाच्वंगु दु।