प्रतिनिधिसभा सदस्य सूर्यबहादुर केसी मन्त

प्रतिनिधिसभा सदस्य सूर्यबहादुर केसी मन्त


कार्तिक १८ - नेपाली चाउचाउ उद्योगया पायोनियर धकाः म्हस्यूम्ह प्रतिनिधिसभा सदस्य सूर्यबहादुर केसी ६३ दँया बैशय् मन्त।

कांग्रेसया अमन्त्रित केन्द्रीय सदस्य नं जुयादिम्ह केसी म्हिग बहनी पोखराया थःगु हे छेँय् मदुगु खः। कांग्रेस कास्कीया सभापति कृष्ण केसीं २०७४ सालय् राप्रपा त्वःता कांग्रेस दुहाँवम्ह केसीयात मधुमेह व उच्च रक्तचापया समस्यां कयाच्वगु खः।

नेपाःया हे प्रतिष्ठित उद्योगीया रुपय् म्हस्यूम्ह केसी नेपाली चाउचाउ उद्योगया पायोनियर जुयादिइ। हिमश्री फुड्सया अध्यक्ष केसीया न्हलुवाय् नेपाःया जक मजुसें दक्षिण एसियाया हे न्हापांगु चाउचाउ उत्पादन सुरु जुगु खः। रारा चाउचाउ दक्षिण एसियाया हे न्हापांगु चाउचाउ खः। थुकिया छुं महिनालिपा जक भारतय् म्यागी चाउचाउया उत्पादन सुरु जुगु खः। निर्माण व्यवसायीया रुपय् व्यावसायिक जीवन न्ह्याकुम्ह केसी परिवारया जलविद्युत, बैंकिङ, खाद्य क्षेत्रय् लगानी दु ।

वयक ०६४ सालय् राप्रपापाखें सभासद जुयादिगु खः।